Фольклорный архив Башкирского государственного университета

 

ISBN 978-5-87604-352-8

 

К оглавлению издания.

Название: Шәүрә килен (Шаура).
Жанр: Песня (лирическая).
Место записи: БАССР, Хайбуллинский район, д. Акназарово.
Год записи: 1968 г.
Язык: башкирский.
Источник публикации: том № 4 фольклорного архива кафедры башкирской литературы. Материалы фольклорной экспедиции в Хайбуллинский район Башкирии; л. 51.
Записано от Суриной Набиры Хусаиновны, 46 лет. Имена фольклористов не указаны.

Шәүрә килен

Аҡназар ауылы. Нәбирә Сурина Хөсәен ҡыҙынан яҙып алынды (46 йәш).

Быйылғы ғына сәскән игендәрем
Ҡыбалаларға ҡарап та йығылған.
Шәүрә килен һинең бәйелең аҙған
Йәш егеттәр һиңә йыйылған.

Шәүрә килен һинең еләнеңдең
Ике салғыйынан еңе оҙон
Ҡабаланма, ҡайным, ҡабаланма
Һөйләшербеҙ әле, төн оҙон.

Шәүрә килен һинең еләнеңдең
Ике салғыйынан мунсаҡлы
Айға-төнгә һине тиңләмәйем
Һылыулығың һинең шул саҡлы.

Юл буйҡайҙарын буйлап килә
Аяҡлары ҡыҙыл күгәрсен
Килеп етһәң, ҡайным, бер үбәрһең
Тәгәрәп китһәң шәһит үләрһең.

Һалҡын шишмә һинең һыуларыңда
Ҡул талдырып керләр сайҡайым
Һөйгән генә йәрем вафат булды
Яңғыҙ ҡалды ғәзиз башҡайым.

Елән генә билән ай биләнем
Шәүрә килен киләм тигәнгә
Ҡәләмфер ҙә сәйнәп, баҙыян бөрктөм
Шәүрә килен кейгән еләнгә.

 

Ссылка на эту публикацию:

Шәүрә килен [Электронный документ] // Фольклорный архив Башкирского государственного университета: электронное научное издание / под ред. Б. В. Орехова, А. А. Галлямова. [2011—2024]. Дата обновления: 25.10.2018. URL: http://nevmenandr.net/pages/bashfolk.php?id=397 (дата обращения: 29.03.2024).